نوبانيز- الاردن

20-07-2019

جمانة غنيمات وزيرة اعلامنا والناطق الرسمي باسم الحكومة، نفت كلامها اللي صرحت فيه الاسبوع الماضي، انه وضعنا الاقتصادي تحسن وقرب يصير زي اللوز وكوكتيل الموز ونفت انه الاردن يكون خرج من عنق الزجاجة، يعني لساتنا بالعنق محشورين وعين الله علينا.

غنيمات بعد ما لخمتنا مرة تحسن ومرة ما تسحن هالاقتصاد بس هي قررت توخذ تصريح وسط وقالت إنه الأردن قاعد وضعه الاقتصادي بيتحسن تدريجيا يعني شوي شوي.

وبالنسبة لتصريحاتها القديمة حول تحسن وضع الإقتصاد، قالت انها تعتمد على معايير اقتصادية دولية في تقييم الإقتصاد، معاليك استقرولكم على تصريح معين في الحكومة وكل واحد من هالحكومة بصرح ع كيفه، وبطيشوا ع شبر مي!

جمانة والزجاجة!