نوبانيز - الأردن

28-10-2019

خلال مؤتمر مُنظم من رئاسة الوزراء ومجموعة البنك الدولي بعنوان "تطوير تراخيص الأعمال"، قال خالد الوزني -رئيس هيئة الاستثمار- أن هيئة الاستثمار تسعى حاليا لتطبيق الممارسات المثلى في مؤسسات الاستثمار العالمية عشان يجذب الاستثمارات للمملكة.

هلأ فندق الRitz-Carlton اللي بينبنى على الدوار الخامس فتح بكثير دول، وهاد مستثمر كبير إجا يفتح عنا بالبلد على أساس ياخد إعفاء ضريبي خلال عملية البناء، بلشوا أعطوه إعفاء على كل مواد البناء، بعدين وصلوا مرحلة قالوله خلص لازم تدفع ضريبة، راح وقف المشروع، لحتى رجعت الحكومة أعطته كمان إعفاء.

يعني متى راح يصير التسهيل فعلي مش بس حكي ومؤتمرات، الناس قاعدة بتهرب من البلد وبتفتح برا، بتبيع أملاكها وبتطلع على تركيا ومصر لأنهم بيدوروا على تسهيل فعلي مش حكي، الناس معكم لما يشوفوا الكلام صار واقع، وجذب المستثمرين صار فعلي، اقرؤوا شروط منح الجنسية الأردنية للمستثمر بتعرفوا التسهيل على أصوله...

تسهيل الاسثمار..واقع ولا حبر عورق