الأكثر قراءة

1

كشفناكم يالمغتربين

نوبانيز - الأردن

24-11-2019

المغتربين زادت نسبة تحويلاتهم بنسبة 0.6% مقارنة بنفس الفترة من العام الماضي
مهو وحدة من ثنتين الأولى اما زادوا مصروف عائلاتهم اللي هون  بالبلد بسبب الغلا واللي كانوا يبعثوه اول اشي ماعاد يكفيهم
الثانية اما عدد المغتربين زاد بسبب الغلا وماعاد الشغل هون يوفي معاهم
الرابط المشترك بالموضوعين انه غلاء الاسعار
حتى المغتربين لحقهم طراطيش من موضوع الغلاء مش ملحقين رايحين جايين عالصرافين يبعثوا حوالات 
بس المغترب يرن على مرته وولاده ببلش الموشح والله مصروف البيت مابكفي مبارح المدرسة اتصلت بدها قسط الاولاد وفاتورة الكهربا اجت بزيادة 40 دينار اه وقبل ما انسى فصلوا علينا النت مكسور علينا فاتورتين والحوالة اللي بعثتها خلصت من 10 الشهر بعينك الله بزيادة المصروف والصراف جنبك اخطف رجلك عليه وانت صحيح طمني عنك
 يعني اذا كان عنده بصيص من الأمل ضيعتيه  وانغمس في مشاكل الحياة وندم على المكالمة  والغى اجازته وبطل بده ينزل يزوركم  

كشفناكم يالمغتربين