نوبانيز - الاردن

18-01-2020

مدير عام مؤسسة التدريب المهني المهندس زياد عبيدات توجهوا لصالونات التجميل الرجالية والنسائية٬ فعلا الصالونات شغلانة فيها مصاري صار الكل يتباهى بحلاقته والموضوع ما يكلف كثير ويشغل ناس ويفتح بيوت.

بعيدا عن الخبر مين يتذكر حلقة الفيرزاشي والله اللي كان يحلقها كنا نقول عنه ابن عز والمصاري على قلبه متلتلة هسا صارت حلقة الشافعي موكلة الجو وخصوصا اللي فيها خط .

طبعا كثير مروا بالموقف المحرج لما يزوروا جدهم ويشوف حلاقة الواحد واول تعليق نفسي افهم انت شو حالق بالله قديش خذا على حلاقتك والله يا دوب مرق المقص فوق شعرك٬ المهم نصيحة للكل لا يغرك شعرات الشباب لو تشوفه اول ما يصحى من النوم غير تتذكر ماوكلي .

طبعا اللي يروح على حلاق يوم سبت رح يقعد يوم كامل وهو بالصالون ويشوف اشكال الوان والله يعدينا ويعديكم شر وجود طفل ابوه جايبه عالحلاق هاظ قصة لحاله احتمال تروح وانت مفكر حالك طالع من مظاهرة مش من صالون يعبي الدنيا صراخ وبكي وامعاطسة ويبلع الولد نص شعره مع كاستين دموع . 

زياد عبيدات: افتحوا صالونات تجميل