نوبانيز- الاردن

19-01-2020

هي الحكومة اللي بدها اياه تعده واللي ما بدها تقولك مش قادرين نحصيه يعني بعدولك كم حبة قطايف توكل برمضان، وكم مرة تدخل الفيس بوك، وكم بتوكل خبز بالسنة، اما الحد الادنى للأجور أو شو نسبة الفقر ما بيعرفوا وصعب يعدوه.

وعلى ذمة جريدة الرأي انه استهلاك الفرد الأردني من مادة الخبز بحوالي 90 كيلوغراما سنويا، بس اكيد هذا حاسبينه لفئة معينة لأنه في مناطق الواحد بيشمط كيلو خبز على الغدا لأنه فش بديل، اما معقول المواطن بيوكل ربع كيلو خبز باليوم او حتى ثلث كيلو مستحيل 

والحكومة  بتقول انها تدعم الخبز بواقع 200 مليون دينار عشان استمرارأسعار الخبز عند مستوى 16 قرشا للكيلو لحماية الطبقة الفقيرة والمتوسطة، وحكو انه اسعار الطحين زي المحروقات بتتغير، وعلى هيك لازم معاليه يشكل لجنة تسعير المشتقات الخبزية .

 

لجنة تسعير المشتقات الخبزية