نوبانيز - عمان

02-01-2019

انتشرت صور لمراجع "فريد" لدائرة أراضي جنوب عمان، وهالمراجع الـ "فريد" كان عبارة عن قط دخل للدائرة وأخذ راحته وهو بتجول بين الاقسام والمراجعين ويتصرمح هون وهناك فيها وما حدا سائله بيش، وبعدها آخذله غفوة على واحد من الكراسي.

وبقولك هالـ"قط" مراجع دائم للمديرية وطول نهاره فيها، معقول يكون بده يوخذ حصة خواته بالورثة ومش عارف كيف يفتح الموضيع معهن أو يا خوفي المسكين خايف تكون الدولة حاطة عليه ضريبة مسقفات بدل الأبنية اللي بنام فيها وهو مش عارف!

بس تخيلو هالقط وفي كل يوم لازم يتفقد الدائرة ويتجول بأقسامها ويتطمن عليها، معقول كان نفسه يكون مسؤول بهالزمانات وما زبطت معه!

مراجع دائم لدائرة أراضي جنوب عمان