نوبانيز - الأردن

26-03-2020

الكل بيعرف قصة اربد وعرس اربد والاصابات بالفايروس بتزيد يوميا ورغم انه بس ١٠٪ من اللي كانوا بالعرس انصابوا بس هي اهل اربد الطيبين وبالتحديد اهل جحفية قرايب العريس طلب عدد كبير منهم انهم يعملوا حجر على جحفية.

هاي الخطوة طيبة من نشامى جحفية اللي طول عمرهم بخندق الأردن وهيهم بيطلبوا من الحكومة تزويدهم بالاحتياجات وحجر جحفية بالكامل وهاي خطوة ما بتطلع الا من ناس كبار وبيحبوا الأردن.

طبعا الكل نزل بشكل ساخر على العرس وأكثر المتضررين هم أهل العرس لهيك ما في داعي للحكي على عرس اربد وهي شغلة صارت بدون معرفة وبدون سابق إنذار. 

لفتة طيبة من اهل اربد