الأكثر قراءة

أهليّة بمحليّة

قحمشوا خبز على الصوبة براحتكو!...

نوبانيز- عمان

06-01-2019

يعني هالحكومة كل شوي بتطلع بفنّة جديدة خلصا من قصة تثبيت المشتقات النفطية واحنا بنلحق السعر العالمي للنفط، لقولنا موضوع جديد يعايرونا فيه، قال بحكو وعلى لسان  الناطق الاعلامي في وزارة الصناعة والتجارة والتموين " أنه الحكومة قررت تثبيت أسعار الخبز لعام 2019 ".

ولمّح بطريقه وهو بحكي يعني هيك جابها بآخر الحديث إنه الخزينة تحملت فرق ارتفاع أسعار القمح في السوق العالم، وأنه هالقرار إجى على الرغم من ارتفاع اسعار القمح عالمياً.

يعني الحمدلله الحمدلله طلع قمحنا مثل نفطنا، الاثنين بتحكمهن الأسعار العالمية والاثنين قابلات للتفاوض وأنه لولا الحكومة حاسة فينا ما كانت ثبتت الأسعار، يلا قحمشّوا خبز على الصوبة فرحاً واحتفالاً بهيك خبر وعشان سواد عيون الحكومة "مكثورة الخير" اللي حاسة فينا

قحمشوا خبز على الصوبة براحتكو!