الأكثر قراءة

أهليّة بمحليّة

المس لاغارد أعطتنا علامة كاملة...

نوبانيز- واشنطن

13-01-2019

المس أعطتنا 10 من 10 وحطتلنا نجمة واعطتنا شبرة حمرا وكتبتلنا ايكسيلنت يا بطل، طبعا احنا هون بنحكي عن مدير عام صندوق النقد الدولي " كريستين لاغارد"، اللي طلعت وصرحّت "انه اعتماد قانون جديد لضريبة الدخل في الأردن يعد بمثابة خطوة في الاتجاه الصحيح تستحق الترحيب"، يعني الحمدلله الحمدلله المس راضية عن أدائنا وقالت عنّا شطورين!

وأضافت لاغارد على هامش لقائها بحكومتنا أثناء زيارتهم لواشنطن "ان اللقاء كان مثمرا للغاية، وقد أطلعت على الحوار الوطني المكثف الذي أدى إلى اعتماد قانون جديد لضريبة الدخل".

لاحظتو كاين في حوار وطني مكثّف أدى إلى اعتماد قانون الضريبة الجديد، يعني معقول خبّرها عن حالات الطرد اللي حصلت عليها الحكومة من معظم محافظات المملكة وغلبت فيها راموس، واعتبرته حوار وطني مكثف، يجازي بلايشهم هالأمريكان كل شي بشوفوه جخّة!

بس بالنسبة للقاء مُثمر فهو مثمر مش حققنا أكبر إنجاز بحياتنا وهو أكبر قرض من البنك الدولي 
 

المس لاغارد أعطتنا علامة كاملة!