نوبانيز- عمان

14-01-2019

يا جماعة والله شكلو يمين الأرصاد الجوية صادق، وشكلو المنخفض اللي جاي منخفض عنجدي مش منخفض أي كلام، لأنة الأمانة أعلنت جهوزية قشاطاتها والأرصاد بلشّت تحذر من سوؤ الظروف الجوية، وآخر شي إدارة الإعلام والتوعية المائية في وزارة المياه والري دعت المواطنين لضرورة حماية وتدفاية عدادات المياه المكشوفة، أحسن ما تفقع وتنفجر بهالبرادات الجايات.

وبتقول الإدارة، جيبولكو قطعة خيش أو شوال بصل ولفو فيها العداد وبعدين جيبولكو كيس أسود، من هاي أكياس الخُضرة-أكيد اشتريتو كيلو باتنجان من يومين ولسّه عندكو كيسهن- ولفوها مرّة ثانية.

يعني الجماعة شرحولكو طريقة تفريز العداد، عفواً حماية العدّاد، عدّاهم العيب! بس هو سؤال ما بنفع نعمللها فروة على قدها!!

 

وزارة المياه للمواطنين: دفّوا العدادات!