نوبانيز- عمان

15-01-2019

فضحونا وهمو يقولو عن البنات جعفر، وشيلن المكياج خلينا نتقاتل رجل لرجل، وهاي التصنيف العالمي مش معترف فيهم طلع!

قال بقولك موقع مختص بالتصنيفات، ترك تصنيف الأردن فارغ على سلم ترتيب الرجال الأكثر وسامة في العالم، ووضع بجانب اسم الاردن علامة سؤال على الرغم من أنه حط الترتيب لـ 113 دولة ثانية، شكلهم الجماعة صابتهم صدمة وما عرفوش وين يحطو شبابنا.

طيب ول يا حظنا، وين راحت الشوارب المبرومة برم تقول سجاد عجمي، وين راحت الصلعة اللي بتلمع وممكن تستخدمها بدل عاكسات ضوئية، وين راحت الكشرة ويا عاقد الحاجبين، اقولكو وين راح الكرش ولا هاي ما بتدخل ضمن المقاييس!

انداري عاد من يومين طلع فيديو لوحدة زي فلقة القمر كانت بدها تتجوز واحد أردني، هاي شو بدنا نقوللها عاد!

المهم يا شباب أهم شي الأخلاق وهاردلك لأنه تونس كانوا المرتبة الأولى وبعدهم العراقية واللبنانية، أمّا الأتراك فكانوا مقلعين وحصلو على المركز الأول على كل العالم، ويا هملالي يا مهند!

رجال الأردن برا تصنيف الوسامة!