أَبو عَقْلِينْ

أبو عقلين : إسمعي يا أم عقلين رمضان على الأبواب وبدنا نع أم عقلين : إنت إللي إسمعني يا أبو عقلين رمضان على الأبواب وأنا إللي 35 سنة ماشية مثل مابدك وساكتة رمضان هاذ إنت إللي بدك تسمعي وبدك تسمعني منيح كمان وتمشي على شروطي دون ماتخالفها أول إشي مش كل خمس دقايق تسألني كم ضايل للأذان وأي ساعة بإذن عندك إمساكية رمضان هيني معلقيتها على باب الثلاجة بتروح تشوفها لحالك ثاني إشي ماضلك فاتح على الأخبار وتضيع صيامك على طرامب والنتن ياهو والختيارة الألمانية ومضيع حسناتك عليهم ثالث إشي لاتفوت على المطبخ وتقعد تنظر عليا ليش الأكل قليل زيدي السلطات حمري الصواني أكثر وتفكرلي حالك هذاك الطباخ التركي أبو خدود المطبخ مابتفوت عليه إلا إذا بدك تشوف الإمساكية لمعلقة على الثلاجة رابع إشي إنت معاك سكري لاتضلك تقول بدك قطايف ورايح أشتري عوامة واليوم بدنا نحلي بهريسة ووين التمر هندي مافي إلا نوع واحد من الحلو وبدون قطر عليه والعصير بتشرب شنينة وبس خامس إشي وإحنا قاعدين نفطر أوعك تسألني شو بدك تطبخي بكرا أو شو فطورنا لبكرا لاتخاف مارح أخليك بالجوع وللي بعيش بكون خير و أنا ومزاجي سادس إشي الدنيا مسكرة وعزايم مافي وتعملي فيها حاتم الطائي والله إذا عزمت حدا لأرن على وزير الصحة وأبلغ عنك إنك بتعمل تجمعات سابع إشي وأهم إشي لاتزهقني قبل العيد بأسبوع وانت تضلك تسألني عسلتي الجاكيت السكني كويتي الجاكيت السكني والله والله إذا بتح أبوعقلين : لعند الجاكيت السكني ووقفي مابسمحلك تقللي من قيمته إنتي مابتعرفي شو قصتوا وباقي الحكي اتفقنا عليه بس إنسيتي تحكي من اليوم وطالع مافي أبوعقلين الله يخلص هالحجر على خير