19 يناير 2020
04:32 مساءً
10 عمان

أَبو شَفييِّك

10-12-2019


والله يا جماعة الخير بعد إللي الواحد شافه من تقارير ديوان المحاسبة الواحد طار عقله وبيقولولك فلوس البلد وين بتروح وكل قضية أكبر من الثانية.
يا عمي مافي مساءلة مزبوطة وإلا هالفاسدين ينجروا مع ذاناتهم ع المحاكم ويتحاسبوا، لأنه كل سنة قاعدين يطلعوا هالتقارير بتفزع الناس عالفيس بوك وتناقش وتهاوش ع الحكومة وبعدين ينسوا
طيب ليش مهو ديوان المحاسبة يطلع التجاوزات أول بأول ويعرضها ع مجلس النواب وتنحل بوقتها بدل ما يجمعوهم مرة وحدة. مش هيك أسهل للمحاسبة؟؟
يا عمي هذي فلوس الشعب والوطن وإذا ما قعدنا للفاسدين مقعد إلا يكملوا علينا سنة بعد سنة. وناوليني هالخيزرانة يا أم شفيق بدي أشوف أخرتها مع هالولاد إللي مش رادين علي.
آه يا عمي أولادي لأنه كل واحد لازم يربي أولاده والحكومة لازم تربي أولادها


 

أبو شفييك والفساد