أَبو شَفييِّك
05-09-2019يا جماعة الخير والله هالنواب اللي عندنا ما مروا في تاريخ الحياة البشرية ، في جلسات الثقة والموازنات تلقى نصهم غايب او مسافر وما حد مهتم مع انها اهم الجلسات وبنفس الوقت لما صارت شغلة شمولهم بالضمان الاجتماعي وقامت قيامة الناس عليهم ،ورفضها مجلس الاعيان ،فجأة تحسهم كلهم صاروا يحظروا ولا بفوتوا جلسة مثل الصلاة ولا تشبيه واصروا على رأيهم ،وكمان الأعيان اصروا على رأيهم واليوم في جلسة مشتركة لحتى يقروا القانون أو ينسفوه .
من ناحية ثانية اليوم على الدوار الرابع رح يكون اعتصام المعلمين ،عشان علاوة المهنة ال 50% اللي بطالبوا فيها من سنين ومش محصلينها ،ومع انه نفس العلاوة اقرتها الحكومة وقت الاعتصامات في سنة 2014 وقسموها ع ثلاث سنين ،وعند عمك طحنا ولا اعطوهم شي ،وظل المعلمين يفاوضوا الحكومة لحد ما قرر المعلمين يصعدوا الامور والضغط لتحقيق مطالبهم .
وبين الرابع والعبدلي يفتح
نواب ومعلمين
