فرَج اللّه

12-12-2019


هَرااايــس هرااااايِّـــس هرااااااايِّــــسْ ذووووق طعميِّـه مرجوعك لهالصينيِّة، بعبِـــشْ بهالجيـــــبة بعبِــــــــش لحِّــــــــــقْ آاخِــــر وقِيّــــة لحِّــــــــــقْ لحِّـــــــق، نَفَّـــــقْنا عَبكيـــــر مِن حكومة التغيــــــــــــِرْ.

باللــــــوز والسمن البلدي والسميدة البلدي ذُوووق آخرْ شقفة بالصَيــــــنيِّـــة والفضل كُلُّوا لحكومة التغيـــيــــــرْ.

شوفوا يا جماعة آثاااار حزم النهضة الجديدة عليَّ الطُرشاااق من كل زاااوية خبر حلو وفرجوها على الكل مش بس عن أبو فرج، مصاري ضمان وعلاوات رواتب معلمين ومدنيين عسكريين ومتقاعدين وصافية يا هرايس صافية يا حكومة.

زيادات الحكومة مرجوعها عالكل أنا ببيع واللي ببيع فيهن بشتري فيهن، والكل اذا كان قلبه مثل أبو فرج قلبه على الوطن بعمل مثلي والمصاري بتظل بالبلد مشترى وبيع، غيِّـــــر الله والنبي مخلِّيــــك يا موظف بدِّل وغيِّـــــــر وافرج على الناس وعيوني الكم الله يخليلكم محبينكم يا حكومة.

وهيك بتوفي ونقدر نوفي شوية هالدينات ربك بييسِّر، وأخيرا فكرت فينا الحكومة وحسبتها صح وعرفت إنه اذا بِتْيَسِّر بتِتْيَسَّر والمصاري اللي بالسوق بتزيد وتكبر بالسوق، وأبو فرج يعمل من السميد هرايس وبدل الخمس وتكات صار يبيع بعشر وتكات وبدل ما كان يشتري بخمسة صار يشتري بعشرة وهيك بيتحرك السوق وتنباع الهريسة وتمشي عجلة النمو وكلنا نكبر.

صافية يا هرايس صافية يا حكومة


 

صافية يا هرايس صافية يا حكومة