فرَج اللّه

هرآيس يا هرآيس ذووق طعمها مرجوعك لعنّـــا، بعبـــبش بعقلك وانسآلي هالجيية شوية بعبش بعقلك ودورها منيح مش لو تصبر دقيقة احسن من انك تروح بدقيقة يا أخي على ايش مستعجل سوق على مهلك الدنيا زحاليق ولعانة حرسي علي الطُرشاق بطلت أحب اشترِي الجريدة ٩ إصابات بحادث سير، حادث سير مروع.
باللوز والسمن البلدي هالهرآيس ذووكلك شئفة وبس تحاسب عليها خذلك لفــة عالميكانيكية، يا عمي والله صاحبي سلامة بشكي من قلة الزباين روحوا عليه وتفقدوا البريكات والجوزات والصنوبرصات يا جماعة ادفعلك كم وتكة على سيارتك وبتريحك وتروحك على أولادك.
يا عمي والله الواحد صار يتعوذ من الشيطان الرجيم بس يمسك هالجريدة كله حوادث وكل حادث أسخم من الثاني والدفاع المدني صار متعامل مع فوق الميتين حادث بهالشهر.
سوق على مهلك ما حدا بالبيت طايقك ومستعجل على شوفتك ما انت مقضيها سكر الباب سكر التلفون هات اشوف الفيسبوك وما في على لسانك غير طفرآن وعايف حالي والوضع ما ينطاق كلك طاقة سلبية وما بتقول الحمدلله ، يا صاحبي انت جد بترتكب جريمة بغيرك لما تنجن وتكويها سرعة لك يا ابن الحلال اسمعها من أخوك فرج واصبر دقيقة ولا تروح بدقيقة .
هرآيس طيبين للناس التعبانين طاقة ودفا  ذوقلك شئفة  واذا عجبتك خذلك وكية  بعبـــش بالجيـــبة بعبــــش طيبين هالهرآيس سمنة بلدي الهرآيس.