فرَج اللّه

26-12-2019

هرايــس هرايــس ناعمــين مش مبلولين ولا مكشوفين الهرآيس خذلك شئفة وذوق طعمها مرجوعك الها.
شتا وزحاليق وخمخمة ما بدهاش بدك تنزل تلف لف بس بدون ما تقعد بمناطق خطرة والمي فيها سيول وزبالتك لا ترميها بالشارع وتسكر المناهل فيها.
بعبش بالجيبة بعبش قرب وذوق من الصينية خذلك شئفة قطر زيادة الهرآيس يا اخي بدهاش بكل منخفض تشتري ٢٠ كيلو خبز وبرميل كاز خذ حاجتك وروح على بيتك أولادك ما رح يوكلوا كل هالخبز بدهم هرآيس وغيره مش بس خبز وكاز.
بكل منخفض بتقرفونا قاعدين تعدوا كم رغيف خبز انباع وكم لتر كاز انباع ترى المنخفض يومين ومعدي وبكل حارة فيه مخبز وبكل شارع في كازية والشتوية بدها لملمة مش كبكبة خذ على قدك واحسبها صح.
يا اخي لا تنبل وتبعبش كثير قاعدين تحت جسر مشاة ومش متحملين صفنتك بدك هرآيس اكيد بدك تعال خذلك وكية لأولادك طيبين الهرآيس وناعمين وبجنب الصوبة يا محلاهم هرآيس فرج.
هههههههرااااااايس هرايــس طيبين الهرآيس يالله اشتري وروح عاولادك بشيء حلو مش كل شيء خبز وكاز بدها قطر زيادة هالشتوية.


 

التهافت عالمخابز والكازيات