فرَج اللّه

هرآيس هرايــس ما دمرنا غير الكنافة اللي جابتلنا هالنواب قرب وذوق هريساتي طيبين صادقين بتدفع حقهم من جيبتك.
يعني هالمجلس ما شاء الله مثل الحرباء بتشوفه بكل قضية بلون بتحس فلان قوماني بتسمعه تصدقه بتابعه تتحسر عليه والله ما احنا عارفين هم معنا ولا علينا.
المجلس الحالي اللي طخ واللي حجب واللي رفع واللي سأل واللي مضاها يرمي علب مي وبالاخر كل شيء بمشي والله ما احنا عارفين لوين هم فينا رايحين.
يعني بتحسهم معنا لما يحكوا بتابعهم بس يصوتوا بتلاقيهم علينا والأمانة الحكومة عجقتهم كثير زيادة زادت وضرايب ما بدها ترفع وضرايب خفضتها وفساد كشفت وبنفس الوقت تقرير ديوان المحاسبة عجق الدنيا وكم قصة خربت عليهم وبهيك مش بس احنا انعجقنا كمان النواب انعجقوا.
بس للامانه هالمجلس نكهته غير شفنا نواب عملوا اكشن من اول يوم لآخر يوم وبكل كلمة يحكوا بتلاقي الفيديو تبعها بساعة يصير أقوى من متابعات اغنية المعلم للمجرد.
بالعربي والشيشاني وبالانجليزي والرئيس زعل لا ما زعل هيك انتهت قصة الموازنة ٢٠٢٠ وبهيك بنكون خلصنا منهم ومن أخبارهم وبهيك ترجعوا تركزوا معي وبهريساتي جرب وذوق طعمها مرجوعك الها، هرايــس هرايــس ناعمــين مش مبلولين ولا مكشوفين الهرآيس.