فرَج اللّه

هرآآيـــس هرآآيـــس زاكية الهراآيـس بعبــش بالجيـبة بعبــش والوتكة حطها بعلبة الديتول لا تعطيني اياها بالايد.
يعني جد الشغلة بدها ديرة بال البس يا عمي الكمامة وظلك غسل ايديك بالديتول قبل ما تلمس عيونك ولا انفك يا عمي مش ناقصنا كورونا ولا ناقصنا ننعدي منها ويعني صحيح انا بحب ابيع بالتجمعات بس الصحة كنز يا عمي بدي ابعد وابيع بالطرف واصلا هريساتي الناس بتدور عليه وبتبعش الدنيا بعبشة تا تلاقيني.
جد يعني تقلب حالك سوبر مان وانه انت ما تنصاب خيوه القصة فيها صحة وسلامة ناس والوقاية احسنلك من العلاج يعني ديرة البال من الرشحة قبل الكورونا.
أصحابنا اللي عندهم ضغط وسكري واللي هم نص البلد هظول بالذات لازمهم ديرة بال زيادة يا عمي مش ناقصكم فوق التعب تعب خليكم باللي انتوا فيه.
بعبش بالجيبة بعبش قرب وذوق هالشقفة وذوق طعمها مرجوعك لألها،، هرآيس هرآيس ازكى هرايسات من عند فرج الله.