نوبانيز- وكالات

22-07-2019

جاريد كوشنر وبعد ما العالم كله ضحك عليه بالهبل اللي قاله بمؤتمر البحرين ومحدش قام "صفقة القرن" تاعته من أرضها شكله لساته مصّر إنها ممكن تزبط، عاد الله أعلم مين موصلله الفكرة هاي، بس اللي بيقعد مع ترامب كثير ممكن تتوقع منه كل إشي.. المهم كوشنر جاي بزيارة على الأردن والسعودية و"إسرائيل" عشان يحاول ينفق بضاعته، زي أي تاجر أكل مقلب بشحنة كنادر طلعت كلها فردات شمال!

للتذكير بس كوشنر قال طلعلنا أول الشهر يقوللنا إنه الحل للقضية الفلسطينية مش إنهاء الإحتلال، ولا عودة اللاجئين، ولا حتى إنه إسرائيل تلتزم بالإتفاقيات الدولية، لا.. الحل إنه نعمل مشاريع بالضفة وغزة وبالدول اللي حوالين فلسطين (الأردن، مصر، لبنان) عأساس إنه لما تصير هاي المشاريع تقريباً إحنا حننشغل بالشغل فيها وننسى القضية.. مش بنقوللكم كلها كنادر فردات شمال؟!

جاي ينفّق بضاعته