نوبانيز- الاردن

25-07-2019

بشرى سارة للآباء المغاربة وعقبال عند الآباء الأردنيين هيك إجازات محرزة!

لأول مرة في الوطن العربي، دولة بتقرر تعطي إجازة أبوة طويلة، إذ قررت المغرب السعي في مشروع قانون لإعطاء الأب إجازة أبوة لمدة شهر كامل، عشان يساعد الأم في رعاية المولود الجديد، يعني حتى يساعدها ويشيل عنها الولد شوي خصوصاً في أول أيامه.

ويا سلام لو يقروا هيك قانون في الأردن، عشان نساعد النشميات في رعاية الأطفال، ونسهر على راحتهم، ونريحهم شوي من تعب السهر مع المولود. 

يا ريت لو نوابنا يتحركوا ويطلبولنا هيك اجازة، بس الخوف انه الاردنيين يستغلوا الشهر عشان يشتغلوا فيه شغلة ثانية يوميات عشان يجيب مصروف البيبي، او يستغله بالسهرات والنومة للظهر والتنعم بالإجازة، والأم تدبر حالها.

هيك الإجازات ولا بلاش!!