نوبانيز- امريكا

16-08-2019

النفط هالفترة مثل الرقاصة، ما في عنده استقرار وبهز وسطه عالرايحة والجاية، طالع نازل، وبيدور، وبأي سولافة الا هو متأثر قد ما هو حساس صاير، يعني يوم ارتفاع لأنه ام علي زعلت من جارتها، ويوم انخفاض لأنه أبو صبحي طلق أم صبحي، يعني هو من أول حساس بس مش هيك، زودها أبو سمرة!

المهم هبطت أسعار النفط أكثر من واحد بالمية يوم الخميس، وزادت خساير الجلسة اللي قبلها اللي بلغت 3 بالمية، وقال من شو هالهبوط ؟؟ قال خايفين من ركود اقتصادي  ومن تهديد الصين لأمريكا انه رح تفرض رسوم مضادة للرسوم الجمركية اللي فرضتها أمريكا، اللي فرضت على الصين رسوم اضافية على بضايع قيمتها 300 مليار دولار

في ناس تحكي شو دخلنا بالهوشة الأمريكية الصينية في تجارتهم وشو دخلنا بارتفاع النفط ونزوله؟؟ مهو حكومتنا بتنسى كلمة هبوط وبتركز بارتفاع لو ليوم واحد عشان تلبسنا زيادة جديدة على اسعار المحروقات، مهو هم يتهاوشوا واحنا نلبس الطابق!!

النفط وهز الوسط!