نوبانيز - العالم

20-09-2019

طول عمرنا بنسمع انه ما تقرر وانت معصب أو زعلان واستنى لحد ما تهدا وتروق وبعدها قرر ،، بس اليوم مجموعة باحثين من جامعة "دندي" الاسكتلندية بحكوا انه الانسان كمان ما لازم يقرر حتى وهو جيعان ويستنى لحد ما يوكل ويشبع ..

لأنه الدراسة اللي عملوها بتقول انه الانسان لما بكون جيعان بوخذ قرارات متسرعة وغالبا بتكون غلط .. واكتشفوا من الدراسة انه الواحد ممكن تختلف قراراته واختياراته بعد ما يوكل ..

الدكتور "بنيامين فنسنت" من جامعة "دندي" بقول انه نتائج الدراسة رح تعمل فرق بكثير دراسات متعلقة بعلم الاجتماع .. عاد لو سألوني كان حكيتلهم هالحكي بدون دراسة ،، لأني لما بكون جيعان بوافق آكل أي نوع من الكائنات الحية ..

لا تقرر وانت جيعان