نوبانيز - العالم

25-09-2019

مصور أمريكي محترف متعود يعمل جلسات تصوير مع مجموعة شباب وصبايا بأماكن مختلفة وينشر الصور على صفحته .. بس هاي المرة كان الوضع مختلف لأنه نشر صورة فيها عريس بنظف عجل سيارته بفستان العروس .. والصورة عبارة عن وحدة لابسة فستان عرس وواقفة جنب سيارة رياضية فاخرة ،، وجنبها عند السيارة شب لابس بدلة وماسك طرف فستان العروس وبنظف بالعجل ..

طبعا الزلمة لما نشر الصورة كتب عليها : هيك بصير لما تتزوجي واحد بحب سيارته .. وهو نشرها من هون وعيونكم ما تشوف الا النور ،، هجمت الناس عليه كأنهم ماسكين حرامي غسيل ،، وبلشت الناس تحكي هاي اهانة للمرأة وفكرة الزواج وانه المنشور مش مضحك وبخلي الواحد يزعل ..

الحمد لله انه المصور مش أردني ولا كان مسح عجل سيارته السيفيا بكرت العرس .. أهلين زواج ..

نظف عجل السيارة بفستان العروس