نوبانيز - العالم

28-09-2019

الصلع مشكلة لكثير ناس ،، خصوصا اللي شايفين انه الشعر مهم وضروري ،، والقصة العويصة هو طرق العلاج ،، لأنها يا رخيصة ومش نافعة أو ناجحة بس غالية .. وهالحكي عامل مشكلة للي بده يصير عنده شعر بدون ما يدفع بقرة جحا ..

بس أخيرا المهندسين في جامعة ويسكنسون الأمريكية اخترعوا جهاز جديد ورخيص وفعال عشان تحفيز نمو الشعر .. والحلو انه حجمه صغير وممكن ينحط تحت الطاقية بدون ما حدا يشوفه .. والحلو بالجهاز انه بشحن بطاريته من حركة الانسان وما اله آثار جانبية بعد الاستخدام ..

الحمد لله انهم اخترعوا هيك حل ،، لانه قرّب يطلعلي ريش قد ما استخدمت كريمات على راسي عشان يطلعلي شعر ..

إفرح يا أصلع ،، عيش يا أصلع