نوبانيز - الصين

28-09-2019

في مطار "ووهان تيانخه" في الصين ،، طيارة كانت بتستعد للاقلاع بعد ما اكتملوا المسافرين وقعدوا وربطوا الأحزمة وبلشت الطيارة تمشي بالمدرج عشان تحلق ،، ولا في سيدة قامت من مكانها وراحت فتحت باب الطوارئ والطيارة بتمشي ..

طبعا هي فتحت الباب من هون وعينك ما تشوف إلا النور ،، تكركبوا الطيارين والمضيفين والركاب وبرج المراقبة لأنهم فكروا القصة فيها ارهابيين وخطف ورهائن .. بس طلع الموضوع انه حضرة جنابها انضغطت وبدها تشم هوا نقي !! أي هوا اللي يلفحك يا بعيدة .. وقعتي قلبنا ..

طبعا اجت الشرطة وأخذتها عشان تعرف تشم هوا نقي بالسجن ..

فتحت باب الطيارة تشم هوا