نوبانيز - أمريكا

28-09-2019

"بوب ستيوارت" زلمة أمريكي مسخم عمره 65 سنة بشتغل بالمناوبة في شركة مقاولات وعايش في كرفان ووضعه على باب الله .. الزلمة متعود يشارك باليانصيب الأمريكي دايما على سبيل التسلاية لأنه عايش لحاله .. بس هاي المرة نقشت معه وربح مليون دولار مرة وحدة ،، وأكيد هيك مبلغ كفيل انه يقلب حياة أي حدا ،، بس العم بوب ولا فرق معه أي شيء بحياته وظل عايش بالكرفان تبعه وبشتغل بالمناوبات بنفس الشركة وبتعشى برغر بنفس المطعم يوميا بعد الشغل ..

الغريب انه بعد 4 شهور رجع العم بوب وشارك باليانصيب كمان مرة ورجع ربح كمان مرة !! بس كمان هاي المرة الزلمة وضعه ما تغير .. فعلا غريب ..

مهو يا العم بوب معه زهايمر وبظل ينسى انه ربح وصار مليونير ،، يا انه صدق المثل اللي قال : بعطي الحلاوة للي بدون أسنان .. أهلين مليونير ..

ربح اليانصيب مرتين ورا بعض