نوبانيز - العالم

30-09-2019

الشيف الايطالي المشهور "كارميلو كيارامونتي" واحد من أشهر الشيفات في جزيرة صقلية بايطاليا ،، بس من يومين الشرطة الايطالية ألقت القبض عليه .. ليش !!؟ لأنه أخينا بستخدم المارغوانا والحشيش في الأكل اللي بعمله للناس !! شكله عشان هيك الناس كانت مبسوطة عليه وصار مشهور ،، لأنه كاين يسطلهم مش يشبعهم ..

الشرطة الايطالية لقت ببيته مارغوانا وحوالي نص كيلو حشيش ،، لأنه بقدم معظم الأطباق في بلدة "تريكاستاني" مخلوطة بهاي النباتات المخدرة .. طبعا صاحبنا دافع عن حاله قدام الشرطة وحكى انه هو مستشار غذائي في مجال الأغذية الزراعية لمأكولات الألفية الثالثة ..

مأكولات الألفية الثالثة !! حلو ،، هذا الزلمة وضعه تمام وإن شاء الله بس ينام ويصحى بكرة بنفهم منه شو القصة ،، لأنه واضح انه اليوم الزلمة طالع رحلة .. أهلين طبيخ ..

شيف إيطالي بستخدم الحشيش بالاكل