نوبانيز - الاردن

14-10-2019

التداول العقاري بالاردن تراجع بشكل كبير بنسبة وصلت ل 51% وهبوط مخيف بالاقبال على شراء الشقق والاراضي، وبحسب الاحصائيات انه حاجة العقار في بيع الشقق سنويا 65 الف شقة بينما الي تم بيعه ما تجاوز ال 30 الف.

المصادر المختصة بتحكي انه التراجع على عكس توقعاتهم لانه عدد السكان بزيد فالمفروض التداول العقاري يرتفع. اذا المصدر عايش عالتوقعات شو اعطى مجال لغيره؟!

لما الضريبة ما ترحم المالك؛ اكيد المالك مش رح يكون احسن من حدا وما رح يرحم الي بده يشتري او يستأجر. اسعار الاراضي والشقق والمحلات التجارية صارت فضائية حتى بالمناطق الي ما بتسوى والمالك صار يفضل املاكه تضل مصمودة بمكانها ولا ينزل من سعرها وتقعد سنين على هالحالة والمشتري او المستأجر بحكي أنا شو جابرني،، حتى المستثمر الي بده يعمل بناية سكنية او مجمع تجاري كانت حصة الارض الي بده يبني عليها ما تتجاوز ال 15% من المبلغ الي بده يستثمر فيه اما هسه صارت "حصة الأسد" للأرض. لازم نعرف انه الاقتصاد بلف وبدور على الجميع، يا الكل بستفيد يا الكل بوقع بحوض نعنع.

العقارات بالاردن وسولافتها