نوبانيز - العالم

23-11-2019

عزيزي المواطن بلغت أسعار الذهب ما في داعي أكتب المبلغ لأنك مامعك مصاري تشتري وكمان ماعندك ذهب تبيع لانك بعت ذهبات المدام بعد شهر من العرس ووعدتها تجيب الها بدالهم وبعدك ماجبت ولا رح تجيب

 مش قصدي أقلب عليك المواجع  بس الحقيقة بتوجع فلا تغلب حالك عزيزي المواطن وخليك بهمك وما توكل هم الناس اللي بتداول بالذهب

وتابع عروض المولات اللي بتفيدك 5 علب فول بليرة فطر مقطع 3 علب بليرة

لحمة مجمدة الكيلو ليرتين و20 قرش ومع بصل وبقدونس بتصير ليرتين ونص

 كرتونة البيض بليرة و 49 قرش ومابرجعوا القرش على فكرة أو بعطوك علكة بالقرش وانت أسنانك أصلا خربانات وما بتعلك بتستنى تشوف ولد صغير بالعيلة على شان تعطيها اياها لاتنكر

وعلى شان هيك مافي داعي نطلع لفوق ونتابع أسعار الذهب خلينا على اللي قدنا واحنا كبيرنا نشتري كستنا وبطاطا حلوة كنوع من الرفاهية وبتنصدم انها الصوبة مافيها كاز

ولاتنسى انها القناعة كنز لا يفنى 

خبر ما بهمك عن الذهب‎