نوبانيز - الأردن

07-12-2019

سعر الذهب نزل ٣٠ قرش للغرام يعني ما ظل حجة لحدا الكل لازم يتزوج ترى محرزات ال٣٠ قرش لو تشتريلك تسعة كيلو ذهب لزوجتك المستقبلية بتكون وفرت الفين ونص.

سعر الذهب نزل والمواقع الإخبارية عامليته خبر عاجل مع انه الانخفاض مو مستاهل القصة مش قصة ذهب ترى احنا الاردنيين بعادتنا نلبس بالسعر مش بالكم يعني خليها تلبس بألفين نيرة واذا بدها توفر هي حرة ما في حدا بقول خليها تلبس ٢٥٠ غرام أو نص كيلو . 

وال٣٠ قرش يا دوب يكفوا غدا كتب الكتاب بمطعم شعبي يعني مش غلط تكتبوا عن الموضوع بس انه خبر عاجل والكم اسبوع بشرى سارة حول اسعار الذهب وتعتيم عالخبر وبالاخر ٣٠ قرش، لحدا يفهمنا غلط من الحكومة القصة عالمية وانتوا ما الكم دخل في ناس برا هم اللي ينزلوا ويرفعوا بس مش غلط انتوا تعملوا خطبة الجمعه عن غلاء المهور. 

٣٠ قرش للتخلص من العنوسة