نوبانيز - اسبانيا

23-02-2020

ريال مدريد أكل هدف من ليفانتي خسر مع الهدف المباراة والصداره والاسخم انه هالخسارة قبل الكلاسيكو اللي باقيله اسبوع وبهيك مدريد خسر خسارتين ورا بعض وضربتين عالراس بتروح فيهم ورا الشمس يا مدريد.

طبعا مش بس برشلونة وكلاسيكو في عند زيدان  مصيبة بنص الاسبوع  مباراة ضيفه فيها مدرب متكتك وفريق مش سهل "مانشستر سيتي" طبعا تفوت على هيك مباراة وانت تعاتب حالك على خسارات ثنتين شغلة صعبة. 

من جهته ميسي ما قصر جاب سوبر هاتريك كل هدف ينفع رسمة في متحف، فعلا ميسي على رأي محللين الفيسبوك حاط مغناطيس بين رجليه ويتزروق بين اللعيبة ومش مخلي حدا من شره وما يعتق الطابة الا بهدف. 

ميسي سوبر هاتريك والريال يخسر