نوبانيز - اسبانيا

02-03-2020

اكبر مشكلة بالرياضة هي الكلاسيكو وخصوصا باسبانيا لانه الديوك تتناحر وتتذابح وبالاخر تشوف مباراة حلوة وطبعا اولولولوه هالمرة على سرعة البرازيلي الاسمر جونيور تحس انه مركب بطارية ما كن ولا هدى وظل لما كسر هالعقدة وسجل هدف.

بعد ما غاب كريستيانو عن الدوري الاسباني تحس انه ميسي يلعب بدون نفس لانه ما في حدا يتحداه ولا يناقره، رجع كريستيانو وقعد بالمدرجات وكانت جيته اهم من الكلاسيكو وفاز فريقه السابق.

بهيك بورصة الدوري تظل طالعة نازلة هالمرة وعالدورية يوم الك ويوم عليك والفرق يا نقطة يا هدفين يا نقطتين تحس انهم مثل اسعار النفط العالمية لا مرتاحين ولا مخلين حدا يرتاح، بالاخر فاز ريال بهدفين واحد برجل فينيسيوس والثاني برجل ماريانو دياز . 

فاز ريال عندما عاد كريستيانو