نوبانيز - ألمانيا

05-03-2020

شغلة ما تصير بلعبة قدم بنص حارة شعبية والجول عبارة عن حجرتين المهم سواها حارس ألماني بالدرجة الرابعة صد خمس ضربات جزاء بمباراة وحدة يعني هالحارس ولا كاسياس الزلمة تقول أخطبوط ما خلا ولا بقى صد ركلات جزاء يخلص مواسم كروية كاملة وما تنصد مثل هيك ضربات. 

حارس مرمى فريق ساربريكين انشاء الله نكون كتبنا الاسم صح المهم هالحارس صد خمس جزائات بمباراة وحدة وخلا فريقه يفوز بضربات الجزاء وبلغ فريقه المربع الذهبي بالدرجة الرابعه بالمانيا.

ضربة الجزاء عايام زمان كان اسمها هنز وكانت تنضرب ببطن الرجل والبوز مش مسحوب ومع هيك ولا بتذكر في حارس عملها علما انه كان الحارس انصح واحد بالحارة. 

حارس مرمى يغلب كاسياس في مباراة وحدة!!!