نوبانيز - إنجلترا

08-03-2020

ليفربول انسمط عين مرتبة خسر من وراها ثلاث مباريات ورا بعض وطبعا رغم انه بعيد كثير عن أقرب منافس اله ومباراة وحدة منهن بالدوري من اللي خسر فيهن بس الجماهير خافت عليه. 

طبعا يورغن كلوب قدر قديش الجماهير تحب الفوز وحط ثلاثي الرعب مع بعض ماني وفيرمينو وصلاح وفعلا فاز ليفربول قدام على برونموث اللي فات وسجل جول بس مش على صلاح واصحابه عدلوا وفازوا بهدفين من صلاح وماني.

الغريب انه الأخ فيرمينو صايم عن التسجيل من 11 شهر على ملعبه وهالشيء كارثة على واحد شايل الرقم تسعة والمفروض انه يشيل العوارض من مكانها بس أصحابه مش مقصرين وماني عليم الله سمط العارضة طابه بدها ثلاث حدادين يصلحوها. 

ليفربول طلع من الإنعاش!!!