نوبانيز - الأردن

29-03-2020

طبعا قبل كورونا كان ما ينزل الراتب من هان الا وانه وإذ به يتبخر يعني تحس الصراف منزل المصاري وعليهن وضع طيران أجور بيت أقساط قروض كهربا مي خضرة خبز والذي منه.

والوضع الان لا في قروض ولا فيه بدل فيزا اللي صارت وكأنها زي الدكان تتداينهن بنص الشهر ترجعهن بآخره، المهم مش بس هيك ما في مطاعم ولا طشات ولا مشترى اواعي ولا من الذي منه يعني صار على قلب الواحد ثلثمية نيرة زيادة بشهرين يعني ستمية تقريبا جمعية من أمهات العشرين توخذها اول سهمين وبعدين تتهرب من الدفع.

بعد هالكورونا ما تخلص رح يكون معك كنز او انه هالكنز أعطاك فرصة انه تحلحل الدينات اللي عليك يعني الراتب اللي بعده رح تشكر الحكومة براحتك إذا ما طق عرق اللي عندك بالدار وعملوا مخططات بدها ميزانية الصين تا تنفذها. 

كورونا عملت شغلة منيحة!!!