نوبانيز - الأردن

03-04-2020

مابين خفة الدم والإشاعة مسافة أميال يعني أكيد إللي حكى في تسجيل الغاز السام إللي إنتشر على وسائل التواصل الإجتماعي وأثار الهلع بين بعض المواطنين والبعض الثاني أثار إشمئزازه إنسان مابعرف مصلحة الوطن ولامصلحته ولاهمه إشي بالدنيا
يعني من الأخر إللي حكيته شو فادك غير إنك أثرت الذعر عند بعض الناس البسيطة واللي مش ناقصها إللي فيها مكفيها 
وتمت ملاحقتك من البحث الجنائي وانت حالياً مشرف عندهم ومتهم بتهمة ترويج الإشاعات وإثارت الهلع ولسه إلها تكملة التهمة ماخلصت على هيك
والأهم من هيك إذا خيالك واسع إكتب قصص وانشرها عاليوتيوب وإحتمال يصير عندك متابعين وتوخذ الدرع الذهبي ويجيك إيرادات من ورا هالقصة منها بتستفيد ومنها بتفرغ طاقاتك بإشي ممكن يفيدك أكثر من الإشاعات إللي بتطلقها 
 حاول تستفيد من غلطتك وتكون إيجابي بتقدر

خفة الدم : بزمن الكورونا (الغاز السام)