نوبانيز - الأردن

13-04-2020

الحجر اله فوق الشهر والالتزام بالأردن جيد جدا والناس الظاهر انها تعودت والواقع بيحكي هيك والاردن تأقلم عالحجر وخلص مرحلة التعارف على تفاصيل البيت ودخل بمرحلة فنون الطهي وفنون عمل الحلويات. 

بالحجر أخذنا فرصة ووقت كل واحد صار يتطمن عاللي يحبهم وكل يوم يعمل مكالمة طويلة مع شخص زمان ما شافه وما كان في فضاوة قبل الحجر وهلأ كمان مرحلة التطمين خلصت. 

معقول تعودنا عالحجر!؟ معقول جدا لدرجة انه بعد الحظر الواحد بده وقت يتأقلم مع جو الشغل وأولها لهفة للدوام وآخرها رح ترجع حليمة لعادتها القديمة ويصير الدوام على أنغام اغنية الفنانة الديرة احلام تناظر الساعة وليش مستعجل. 

معقول تعودنا عالحجر؟؟؟