نوبانيز - العالم

14-04-2020

مع الحجر وكل مانفتح الفيسبوك بنلاقي طبخة شكل وصحن حلويات من إللي بفتح النفس مع شوية طبخات محروقة تكاد لاتذكر 
يعني بإختصار الحجر والقعدة بالبيت طلعت الشيف بوراك إللي جواتنا كل مواضيع البحث على الفيسبوك صارت طبايخ وحلويات صرنا نشوف طبخات عمرنا ماسمعنا فيها وفش ورانا إشي ستات البيوت بتطبخ وإحنا بنتعاطى طبيخ وحلو والكرش ماخذ راحته مافي حدا متبع عليه بكبر ويتمدد وعلى كل حال مش وقته الكرش هلاء بعد الحجر بنفضى إله وبصير خير هو بصراحة لازم حدا ينقذنا من كمية الأكل إللي بنوكلها لارقيب ولاحسيب علينا 
ومن ورا الحجر صرت أعرف أسلق رز واكتشفت انه طبيخ لملوخية بسيط 
الله يفرجها على عباده

قلة الشغل بتعلم الطبيخ