نوبانيز - الأردن

18-04-2020

اول مرحلة من الحجر المنزلي كانت الشدة ولعبة الشدة وطبعا بالأول كانوا الاولاد يلعبوا لحالهم وباقي العيلة مشجعين والاب كان مسيطر عالريموت وبعد ما زهق نزل الاب للساحة ومن يومها وهو فايز فيها. 

المرحلة الثانية كانت للصبايا وهي مرحلة السلم والحية وطبعا هاي اللعبة مشروطة اللي تفوز ترتاح من الجاليات والكنس والشطف والطبيخ الام متفردة فيه من اول يوم حجر من المطبخ عالنوم. 

المرحلة الثالثة وهاي أصعب مرحلة كانت مرحلة حاكم جلاد وقبعت بهاي المرحلة مع الشباب وقلبوا مثل المحقق كونان والآخر طلع واحد منهم دايما فايز اكتشفوا انه هو اللي قص الورق ومعلم ورقة الجلاد.

المرحلة القادمة رح تكون لعبة تركس وهاي ما فيها يما ارحميني رح يكون فيها ضحايا واصابات وخصوصا لمنطقة الأنف واذا طولت شوي قصة كورونا رح تقلب لمرحلة لعبة اسمها مين كفه أقوى من الثاني. 

مراحل الحجر المنزلي!!!