نوبانيز - الأردن

23-04-2020

خلال أزمة كورونا ومع الحظر المفروض ستات البيوت قعدن لشغلة الطبخ مزبوط وبلشن يتفنن أشكال الوان وكل وحدة بدها تفرد مهاراته بالطبخ قدام زوجها والحلويات هاي كانت مهمة اكبر بنت بالعيلة اللي ماسكة اليوتيوب وتتفنن وتبتكر خلطات جديدة. 

طبعا مش بس ستات البيوت في كثير رجال ورجوا عالم الستات انه الطبخ فنون والرجال كمان شاطرين بالطبخ ويمكن يتفوقوا عليهن وأكثر جماعه مرتاحين هم لجان الحكم بالبيوت اللي قاعدين ٢٤ ساعة مثل المنشار طالع بيوكل راجع بيوكل. 

وفي ظاهرة ثانية ظهرت خلال الازمة وهي ظاهرة الحلاقة عالزيرو وشعر بح احسن من كشش مخيفة ومرعبة، طبعا ظهرت رابطة الصلعان بالأردن وهم جماعه اما اصلع من اول او اصلع لانه فيش حلاق.

الحلاقة عالصفر ما بدها شيء تجيب الماكينة وتعطيها لاخوك وتقوله قش وطبعا اخوك قبل ما يقش يبلش يرسم شوارع وتحويلات براسك مثل تحويلات طبربور بعدين يتهندس ويكملها عالزيرو. 

شغلات شفناها مع الحظر