نوبانيز - الأردن

25-04-2020

فطرة الصيام وهي عادة جميلة ورائعة وفيها أجمل معاني التكافل في الأردن وبالعادة بتكون هاي الفطرة عدد من الأكياس فيها ما هب ودب جاج لحمة رز سكر وشغلات تموينية كثير تتوزع للاخوات والجيران الأكثر فقرا. 

طبعا رمضان هاي السنة رح يفقده المسيحي والمسلم المسيحي اللي دايما بيكون على الإشارات يوزع مي وتمر عالناس المتأخرين عن فطورهم وهاي لفتة بتحسسك بقيمة التعايش الديني بيناتنا. 

برمضان بتكثر العزايم صحيح هالمرة ممنوعة بس بكرا يخلص كورونا ويجي رمضان ثاني وبترجع للعزايم واللمة الحلوة. 

برمضان هاي السنة رح نفتقد طوابير عصير الهروب والتمر الهندي والليمون بس اكيد ما رح يقصون الستات رح يتعلمن الطريقة ويعملون عصيرات أطيب وازكى.

برمضان تحس انه القطايف حلو رسمي للشهر برمضان تحس انه اللمة عالبرندة والضحك عنوان للسهرة برمضان هاد رح نفتقد هالشغلات بس اكيد الصحة اهم ورح يجي رمضان ثاني ونرجع لأيام نا الحلوة. 

أجمل العادات الاردنية في رمضان