نوبانيز- الاردن

01-05-2020

القصة مش كورونا وتعدي ، القصة الشي اللي بعد كورونا ،كورونا الفيروس حتى لو راح مبدأيا ، القصص اللي صنعها وعملها بدنا سنين طويلة عشان نرقع فيها ،ونعالجها على مستوى العالم أما على المستوى الاردني فالقصة طرمة حسب ما فهمنا من المرصد العمالي الأردني.

وصى المرصد العمالي الأردني بضرورة عمل دراسة تقييمية سريعة للوقوف على درجة تأثر القطاعات الاقتصادية المختلفة بأزمة كورونا، بهدف تحديد القطاعات الاقتصادية الفرعية اللي تضررت أو استفادت، وبناء تصورات لتوقعات مستقبلية لاتجاهات الضرر والاستفادة ومستوياتها.

وتوقع التقرير اللي يحمل عنوان "تحديات غير مسبوقة للعمال في الأردن" أنه يخسر الأردن في الأزمة ما يقارب 140 ألف وظيفة من العاملين في الاقتصاد المنظم، بنسبة 10.5 بالمئة من الوظايف المنظمة الموجودة في الأردن، واللي تقدر بحوالي 1.35 مليون عامل وعاملة تقريبا بمختلف الوظائف في القطاعين العام والخاص".

وتوقع التقرير كمان أنه "تتراجع سبل كسب العيش لما يقارب 900 ألف عامل وعاملة في الأردن من العمالة غير المنظمة من أصل 1.25 مجمل القوى العاملة غير المنظمة في الأردن جراء هذه الأزمة".

 

الأردن رح يخسر 140 الف وظيفة