أَبو عَقْلِينْ

  أبو عقلين : والله يا أم عقلين كل هالعالم خايف من الكورونا اللي طلعت بالصين والحل بسيط موجود بمطبخك بس مافي حدا راضي يرد عليا كل يوم الصبح كاسة ينسون والمسا كاسة ينسون وهيك مابنشوف الكورونا ولا بنشوف غيرها  
وبالنسبة للكحة لاتروحي على دكتور ولا على بالك معلقة طحينية الصبح ومعلقة طحينية المسا إذا مافي طحينية بتوخذي البديل معلقتين حلاوة الصبح ومعلقتين حلاوة المسا الدكاترة مابتعرف هذا الحكي همها توخذ مصاري بس
وبالنسبة للوز بس ينزلو حلها بسيط بنملسهم من تحت لفوق بأصبعين مرتين ثلاثة ومابتلاقي إشي ولا كأنه حتى عندك لوزتين وإذا الحالة كانت صعبة كل راس مالها مع التمليس حبتين دوا إلتهابات من إللي لونه أسود وأحمر الدوا إللي ألوانه غير ما بزبط لازم الأسود والأحمر  
أما علاج وجع الرجلين دهنيهم زيت زيتون إكون دافي وحطيه على محرمة مكان الوجع بتصبحي بتركضي بالبيت تقول ميسي في مباراة أعتزاله الله كريم يجي هاليوم 
وجع البطن كلنا بنعرف علاجه كاسة ميرامية كبيرة بدون سكر إذا بنحط سكر بروح مفعولها
ومن زمان أهالينا هيك بعالجونا وبعمرنا ماشفنا كورونا ولا إنفلونزا خنازير وجاج 
هذول الدكاترة بس بدهم يعطونا هالدوا وكله مواد كيمياوية مابتنفع ىكشفية عشرين ليره اذا كنتي بدك تطيبي من الكشفية بترجعي تمرضي
أم عقلين : والله يا أبو عقلين كونك خبير بالطب لويش عاد بس تمرض بتروح ركاض على الصحية وبتقعد يومين دافن حالك تحت لحرام ومولع الصوبة وبتوخذ الدوا على موعده ولا الطب العربي بيزبط على غيرك ولعندك بوقف هذا الحكي كانم زمان اليوم العلن تطور وأعشابك بتنقعها وبتشربها عالسهرة وانت بتحضر مسلسل وضحا وأبن عجلان